حسن محمد .. طالب فى كلية الهندسة جامعة القاهرة .. إنتحر بسبب نظام تعليم فاشل يسبب الإحباط للكثير والكثير فيؤدى بهم الى إرتكاب مثل هذا الفعل ! ومع ذلك لم يعلنوا الحداد على روحه و اعتباره حدث عادي .. فهؤلاء ليس لهم اى قدر من الاستقامة الاخلاقية ما لم يحركهم انتحار الطالب !! خبر يقطع نياط القلب !!
حسن .. أصابه الاحباط واليأس لعدم قدرته على النجاح في شوية مواد جعلوها مثل البعبع ..
أنا معرفش مين هو حسن شخصيا .. بس عارفة إحساسه لاني مريت بحالة من الإحباط لما عدت سنة دراسية .. طبعا كانت لظروف مختلفة عن ظروفه خالص بس المهم إني عارفة إحساسه ..
**
" عارفه يعني إيه طالب يبقى بيزق في الحيطه و مفيش فايده و عارفه يعني إيه طالب يوصل لليأس عشان مش قادر ينجح في شوية امتحانات .. عارفه يعني إيه طالب يبقى عنده طموح و كل حاجه تتهد بسبب ورقة من دكتور.. و عارفه يعني إيه فلان ينجح بالغش و هو مش عاوز يعمل حاجه تخالف ضميره .. عارفه يعني إيه طالب كل اصحابه يتخرجوا و هو لسه في مكانه .. عارفه يعني إيه طالب يبقى عنده أحلام و طموحات بره كليته و مضطر يقعد عشان الشهاده أو عشان أهله أو عشان كلام الناس أو عشان أي حاجه مقرفه من المجتمع المقرف اللي عايشين فيه و بيمثل على بعضه .. عارفه يعني إيه أهل بيستخسروا الدرجات و مش مستخسرين عمره .. مستخسرين كلمة "مهندس" لا تضيع و مش مستخسرين أعصابه .. عارفه يعني إيه مجتمع طبقى متخلف متعود يتمنظر على بعضه حتى بشوية درجات .. اللي اتضح إنها في الاخر زي القضاء و القدر بخيرها و شرها .. مهيّاش نتيجة لها أسباب منطقيه." ده قالته -ياسمين مدكور!!
**
عدم الكتابة عن الخبر الكارثة او مجرد نقله الي حيذ الاهتمام يدل على قسوة القلب وهوان قيمة الانسان من سلطة تدعي ليل نهار بأنها حارسة القيم والأخلاق !! فهذا هو تبلد الاحساس الناتج عن التخمة المتسبب فيها هؤلاء الأساتذة على حساب أعصاب هؤلاء الطلبة !! فمأساة بمثل هذا الحجم لا يصح تجاهلها..!
لكن ماذا نتوقع من دولة تقدم الرصاصة علي قلم الرصاص ؟!
ما يثيرالقلق حقا اذ اصبح الطلاب بمثل هذا الوعي الكوني وقوة المواقف في رفض الظلم !! وهكذا تتمدد الفاجعة يوم بعد يوم..!
فإن الآتي هو حقيقة مخيفة...!
"اللي عاوز يحاسب حسن على انتحاره يروح يحاسبه .. بس قبل ما تحاسبوه .. ياريت تاخدوا بالكم من اللي ممكن ينتحروا غيره"
انا مبقولش الانتحار حلال .. بس خلاص حسن انتحر .. شوفوا بقى انتحر ليه؟
و محدش الله يكرمكم يسيب كل ده و يقولي المنتحر كافر .. أنا عارفه .. و من الآخر مش احنا اللي بنحاسب سيبوه ف حاله أهو مات
محدش اهتم بيه و هو عايش عشان تعبروه و هو ميت"
ياسمين مدكور
***
ربنا حينتقم من كل ظالم , لو مش في الدنيا أكيد في الآخرة
***
-اللهم ولى من يصلح لمصرنا ولا تولى من يفسد فيها-
***
"
اللهم ياحنان يامنان ياواسع الغفران اغفر له
وارحمة وعافه واعف عنه واكرم نزله ووسع مدخله وأغسله بالماء والثلج والبرد
ونقه من الذنوب والخطايا كما ينقى الثوب الأبيض من الدنس"
No comments:
Post a Comment